Mahajjatan Nijeriya 10,687 Sun Isa Saudiyya Don Sauke Farali

Hukumar Alhazai ta kasa ta ce adadin wadanda suka isa kasar Saudiyya don sauke farali daga Nijeriya ya kai 10,687, hukumar ta fitar da adadin ne a yau Juma’a a garin Madina, maniyatan sun isa Saudiyya ne a tsakanin ranakun 21 ga Yuli zuwa yau uku ga Augusta. Har yanzu ba a gama jigilar maniyatan ba, inji hukumar. 6,477 na maniyatan maza ne, a yayinda 4210 kuwa mata ne, maniyatan jihohi 10 ne suka fara isa zuwa yanzu. Jihohin sun hada da Kogi mai mahajjata 446, Nasarawa 616, Kaduna 1,627, Kwara 1,111, Kano 2,132, Sokoto 1,304, Kebbi 1,275, Legas 320, Adamawa 546, Sai birnin tarraya Abuja dake da mahajjata 1,310. Ana sa ran akwai karin mahajjata masu yawa da zasu tashi a sauran jihohin, kafin akai ga kammala aikin jigilar mahajjatan bana zuwa kasa mai tsarki.