Bama Neman Willian Saboda Bale Zai Maye Mana Gurbin Ronaldo

Sabon kociyan kungiyar kwallon kafa ta Real Madrid, Julian Lepatugui ya bayyana cewa kungiyarsa bata neman dan wasan Chelsea Willian kuma dan wasa Garith Bale zai maye musu gurbin Ronaldo wanda yabar kungiyar. A wannan satinne rahotanni daga kasar sipaniya suka bayyana cewa kungiyar kwallon kafa ta Real Madrid za ta hakura da neman dan wasan Chelsea Edin Hazard domin ta koma neman takwaransa na kungiyar wato Willian wanda akayiwa kudi fam miliyan 70. Kungiyar kwallon kafa ta Real Madrid dai ta dade tana zawarcin Hazard wanda Chelsea tace sai anbiya fam miliyan 200 sannan za ta siyar dashi adadin kudin da Barcelona ta karba kenan a hannun PSG lokacin cinikin Neymar. Sai dai kungiyar kwallon kafa ta Real Madrid tana ganin baza ta iya biyan haka ta siyi dan wasan ba mai shekara 27 a duniya wanda hakan yasa kungiyar ta fara tunanin neman dan wasa Willian dan kasar Brazil wanda shima yakeson barin kungiyar. Kungiyar kwallon kafa ta Real Madrid dai tana zawarcin dan wasan da zai maye gurbin Ronaldo wanda yabar kungiyar zuwa Jubentus farkon watan daya gabata wanda hakan yasa kungiyar ta tsunduma cikin kasuwa domin neman wanda zai maye gurbinsa. Sai dai wasu rahotanni sun bayyana cewa kungiyar Chelsea ta bayyana cewa idan Real Madrid tanason siyan dan wasan sai ta biya fam miliyan 200 kudin da kuma Real Madrid take ganin yayi tsada kuma ana ganin kungiyar za ta hakura da ‘yan wasan da take dasu