Sojoji Sun Kama Gungun 'Yan Fashi Da Makami A Jihar Kogi
Daga Magaji Ontop Daura
Rundunar sojojin Nijeriya a yayin artabun ta da wasu gungun 'yan ta'adda a Felele wanda ke kusa da babbar titin Lokoja zuwa Okene sun samu nasarar cafke 'yan ta'adda maza uku da kuma mata guda biyu.
'Yan ta'addan maza sune Denis dan kimanin shekaru 39, sai Issac Donald mai shekaru 35 tare da Josep Isah shima mai shekaru 35 wanda babban jami'in Soja Mr Atsen ya samu nasarar cafkewa yayin da suke musayar wuta da 'yan ta'addan.
Sauran mata biyu sun hada da Misis Janet Isah, da kuma Oninoye Ochefije wadanda aka cafke su su yayin arangamar tasu da sojojin.
Kayan da suka kama tare dasu sun hada da:
a. Bindiga kirar AK 47 guda 1
b. Harsashin bindiga kirar AK 47 har guda 28.
c. Kaya masu dauke da kakin Sojin Najeriya saiti hudu 4
d. Rigar saka ta 'Yan Sanda Nigeria guda 1
e. Adduna guda 2 da kananun jikoki 3
f. Bakin Takalmi sau ciki (Black boot)
g. Gidan Ashana guda 2
h. Filaya guda 1
i. Wayar hannu guda 22.
j. Adadin kudin da suka kai Naira dubu goma sha shidda, da dari tara da tamanin N16,980.
Tuni wadannan 'yan ta'addan da ake tuhuma suna kan amsa tambayoyi, wanda da zarar an kammala za a mika su inda za su fuskanci hukuncin akan ire-iren munanan laifukansu.
No comments