Champion: An Hada Champion Zagaye Na shi shida

Liverpool za ta hadu da zakarun Jamus Bayern Munich a zagaye na biyu a gasar zakarun Turai, yayin da kuma aka hada Manchester United da Paris St-Germain.

Karon farko ke nan da Manchester United ta hadu da PSG, wacce ta jagoranci rukuninsu da Liverpool.

Kungiyoyin gasar Premier, Manchester City da Tottenham za su hadu ne da kungiyoyin Bundesliga na Jamus, inda aka hada City da Schalke, Tottenham kuma da Borussia Dortmund.

Mai rike da kambun gasar, Real Madrid, an hada ta ne da Ajax. Barcelona kuma da Lyon.

Juventus ta Ronaldo an hada ta ne da Atletico Madrid. Roma da FC Porto.

Za a yi karawa ta farko ne a ranakun 12 da 13 da 19 da 20 a watan Fabrairu, karawa ta biyu kuma a ranar 5 da 6 da 12 da 13 na watan Maris.

Kungiyoyin da suka jagoranci rukuninsu ne za su fara kai ziyara a karawa ta farko.

A zagaye na biyu na kungiyoyi 16, ba a hada kungiyoyi daga kasa daya, ko kuma kungiyoyin da suka fito daga rukuni daya.

Yadda aka hada kungiyoyin:

Schalke v Manchester City

Atletico Madrid v Juventus

Manchester United v Paris St-Germain

Tottenham v Borussia Dortmund

Lyon v Barcelona

Roma v Porto

Ajax v Real Madrid

Liverpool v Bayern Munich